مجلة اسرار الحب والزواج--العدد الاول كلام يهمنا

كلام يهمنا
اسمعوا نصايح نانسى
المرأة مخلوق رقيق خلق للجما ل والرقه والحنان والحب خلق ليستمتع ويمتع من حوله فلابد ان تعامل بالطريقه التى تجعلها تعطى احلى مافيها وعلى الرجل سواء خطيب او زوج ان يعلم مفاتيحها المتعدده ومن اهم هذه المفاتيح الرومانسيه

الرومانسيه مفتاح قلب المرأة والمدخل الرئيسى لشخصيتها ربنا خلقها كدا حنونه عاطفيه وهى دايما فى حالة عطش لنقطة ندى مش نقطة مايه كمان من خطيبها او زوجها ومحطة الميه مش واخده بالها خالص ومكبره الجمجمة ومهما قولنا ياناس ياهوه هنا حد عطشان نسمع لا دا بيستعبط وبعدين محطة الميه مش واخده بالها خالص ان من مهام وظيفتها انها تسقى ناسها بس للاسف مشغوله بالمكن والصيانه واخيرا العطشان دا يصاب باليأس والاحباط وكلامى هنا مقصود به عطش الروح وغياب الاحساس والكلمة الحلوة والتقدير ورسالة موبايل ومكالمة تليفون دقيقة يابخيل دى شركات الموبايل بيفكروا يطلعوا صدقه دقايق مجانيه للرومانسية

وكلكوا شوفتوا هوس الفتيات والنساء بأغانى كاظم سابقا وبالدراما التركية فى المسلسلات ومهند وتوى لايت الاجنبى وليه والسبب سمات الشخصيه ورومانسية البطل وتمسكه بالاخلاق الرفيعة والاخلاص والتفانى من اجل حبيبته فالمرأة تتمنى لهفة مهند وكلمات نزار الجميله واداء كاظم والحانه الساحره اما توى لايت دا سيبه بعيد خالص عننا دا موضوع تانى فالمرأة تريد هذه الرومانسية والرقة لكن من زوجها والله مش عارفه ليه محطات الميه مصممين على التعالى والتجاهل لموضوع الرومانسية دا مع انه مجانى وليه بيعتبروه حاجه تافهه وهايفه والاكثر من دا كله ان بعض الرجال اصابه الغضب او الفزع او القلق من هذه المسلسلات وهذه الاغانى طيب وخايف ليه ماتجيب من الاخر واعمل زيه
والاصعب ان ماينفعش ان كل واحده تعمل كتالوج للى هى عايزاه من زوجها عشان هو يعاملها بيه ساعتها مش هاتفرح ولاتسعد بيه لانها هى عايزاه يفهم لوحده ويعرف الطريقة وشكل الحياه اللى هى بتحبها وساعتها هاتكون اسعد انسانه وهو مالى عنيها ودا يامحطة المية لو ماحصلش ماتقولش انها دايما ساكته وكئيبة وهاديه وبعدين نقول ممله والكلمه التانيه اللى كلكوا عارفينها من شركة ايديال للتلاجات اللى انت رئيس مجلس الادارة فيها ياريت تغير النشاط بتاع الشركة وبدل ماتعمل تلاجات اعمل سخانات اصل انت زودتها قوى –
الكلام دا داخل كل امراة وبتقوله بتصرفاتها وعنيها وكلمتها لخطيبها او زوجها

وصدقت المايستروا نانسى لما قالت
فى حجات تتحس وماتتقلش وان جيت اطلبها---- انا مقدرش ولوانت عملتها بعد ماانا مااطلبها----- يبقى ماينفعش