خطاب بلاشرف

بعد انتظار وملل وانتظار طل علينا سيادة الدكتور رئيس الوزراء الدكتور عصام شرف
طل علينا بطلة وهلة مبارك البهيه والكلمه الافتتاحيه ايها الاخوه والاخوات
طل علينا وهو يناشد القضاء والشعب
هو يناشد اومال مين هايبحث ويعلن القرارات عم ابراهيم بتاع الجرايد
ليه ماققرش مع المجلس العسكرى بضرورة علانية المحاكمات واعلن قراره امام الجميع
عايز يقولنا من خلال الخطاب انه هو لاحول له ولاقوه -- اوك خلاص يقدم استقالته ويسيب المكان وخلينا نلعب كل يوم واحد جديد كانها كيمياء ومش عارفين يفهموها

كل امور مصر من بعد الثوره تطهر وكانها تدار مثل قبل الثوره تماما ودا لان الطقم قاعد مربع فى الحكم ويدير البلد بنفس طريقة مبارك حتى الخطاب كان نفس الشخص اللى كتب ايام مبارك هو اللى بيكتب الان
حظنا كدا على طول لازم يجيلنا واحد يوجع قلبنا ويتعبنا هو مافيش حد يجى يريحنا
كنا متفائلين بشرف ومنتظرين خيره وانه رجل وطنى ومش حرامى وكنا وكنا

بمرور الوقت سبحان الله اصبح واحد منهم بيتكلم زيهم وبلسانهم والله مافهمه هم هناك بيعملوا ايه للى يروح يشتغل معاهم ممكن غسيل مخ

واضح اننا بنلف فى دايره مفرغه وبنرجع لنفس النقطه ومبارك لم يمشى ولكنه قابع متمكن
من الاخر المشكله فى المجلس العسكرى ولكن هى ايه المشكله مش لازم ناخد الامر بالجمله ونقول ان المجلس وانه وانه كما نسمع ولكن المجلس وقف مع الثوره وساند الشعب
اما الان لازم نفهم ايه المشكله هل يدين بالولاء للنظام القديم كما يقول الناس او هل غير قادر على الامور السياسيه لانه غير متخصص سياسيا او هل هناك مصالح وصفقات غير معلنه

طيب الاعتراف ليس عيبا ولكن الاستمرار والتجاهل وضياع مصالح بلد تحتاج الترميم هو المشكله
وكنا نعقد الامال على شرف ولكنه اختفى وطل علينا رئيس الوزراء الدكتور عصام شره واختفى شرف الذى اختاره الشعب وطلع من التحرير
الى اين يامصر