الاخوان المسلمين بعد موزز امريكا

الموضوعين اللى فاتوا كانوا عن موزتين امريكيتين سواء بيونسيه او كلينتون حاجه اخر دلع ونجاح وشهره عقبال ام عبد الصمد اشوفها فى البيت الابيض
المهم انا قلت بعد الموضوعين الحلوين اللى فاتوا
لازم نسد نفسكوا ونصدع راسكوا زى اللى انا فيه ونقولكوا اخبار سودا
ومش هانلاقى اكتر من اخبار الاخوان مثلا
يعنى لما تسمع اخبارهم تلاقى نفسك برأت وفتحت بوأك على الاخر وعمال تصرخ وممكن تنتحر وترتاح من مصر كلها ههههههه
لانهم بيتعاملوا معانا كاننا اغبيا ومتخلفين
وبيتعملوا مع الناس بنفس منطق الحزب الوطنى القديم وكانهم حالفين يطلعوا علينا كل اللى حصل لهم السنين اللى فاتت
يقولوا عنينا مش على السلطه ونلاقيهم مرشحين للرئاسه بس اعمل عبيط لما يقولوا دا انشق عننا هههه
طيب وبعدين يعملوا حزب ويقولوا لا دا مالوش علاقه بالجماعه برده اعمل عبيط وزودها شويه اعمل غبى
طيب ياجماعه الاخوان عندكوا 500 الف فى الجماعه ومش مكفينكوا فاقلتوا نعمل حزب نجمع فيه كل مصر من التيار العام وبكدا تكون مصر كلها فى جيبنا ولما نيجى ندخل انتخابات رآسه او مجلس شعب نكون 99% اغليه ونحكم مصر 30 سنه كمان
يالهوى يالهوى ماحدش يحوشنى ولا يقولى طيب نعطيهم فرصه
لا ولا التحرير ومصطفى محمود ولاحتى طلعت حرب
دا الموضوع محتاج ان كل واحد فينا يكون عنده دبابه نونو كدا جنب بيته اول مايشوف واحد منهم يوطخه يابوى ونخلص منهم
بس دى كمان مش هاتنفع لانهم متعودين على المليشيات ومش كتير يراجعوها ماهو كانت عندهم زمان