احنا مابقيناش فاهمين حاجه ومين معانا ومين علينا وكمية كدب فى البلد مالهاش مثيل سواء من الصحافة والتلفزيون او الحكومه او مايقال عن المجلس --- فين الحقيقه؟
حتى جمعة الغضب يوم 27 مايو هناك ناس متحمسه وفى قمة الغضب وناس نايمه فى العسل
بس اللى عنده عقل يفكر ويفهم ويشوف الحقيقه بنفسه ويقول
والغريب من كل دا ان اى خطوه او قرار او محاكمه تمت لم تنفذ الاتحت ضغط المظاهرات وانك تلاقى شكل المحاكمات وهميه وبطيئه والغريب كمان ان شباب الثوره وغيرهم من نفس الفكر اصبحوا ينسحبوا من كل الامور الهامه مثل مؤتمر الوفاق الوطنى
اه اه اه مؤتمر الوفاق الحوار الوطنى وماحدث فيه من مهازل بالالسن والايدى وشىء مخزى وافسد هباب الحزب الوطنى اللقاء بالكامل كعادتهم
نكمل ونقول لما يطلع علينا سيادة المستشار خالد الشوباشى رئيس محكمة جنايات شبرا بكل توضيحاته ومنها ان مبارك بالفعل موجود بقضية قتل المتظاهرين ويجب محاكمته مع القضايا المنفرده له الكثيره يعنى مش محتاجين قضيه وتحقيق عشان يتحبس
فلماذا لايحاكم
اما الامن المصرى
*الاعلام الاسود بتاعنا مسك فى بطولة مأمور الموسكى وغمض على تناحة الشرطه والداخليه كلها
الامن كان موجود بكثافه يوم المباره وفى اى كارثه او مشكله لاتجده وان وجد يقف صامت
الامن يوم السفاره وكلكوا شوفتوا اللى حصل
ولما تشوف ان امن الدوله كل التغير اللى حصل تغي الاسم بدليل انه رافض اى تدخل قضائى ومصمم على الاحتفاظ بنفس مهامه القديمه
لمانشوف حتة عسكرى يتحاكم ويتسجن ويعملوه كبش فدا طيب وبعدين
لما تلاقيهم حبسوا زكريا عزمى تانى بعد الافراج عنه نتيجه لاعتراض الناس
اما عن مبارك و نظامه
هى المحكمه والتحقيقات مستنيه دليل مادى عشان تعرف ان هو وراء قتل المتظاهرين وهو عايش متهنى ومنعم
ولا مش شايفين نص الشعب جاهل--ونص الشعب فقير
ونص الشعب التانى مليارديرات حراميه
طيب والامراض المنتشره ومستوى الصحه للفرد
طيب والبطاله ومشاكل المجتمع التى لاحصر لها النابعه من الفساد
طيب ماشفوش المحليات طيب ماشفوش الفساد فى بيع اراضى الدوله
طيب ورصيد مكتبة اسكندريه والفضيحه اللى عرفناها باسم سوزان مبارك
طيب ماشفوش سيارات الدبلوماسيه اللى قتلت الناس وكانو مغمضين ماشافوش الجمال والحصنه فى التحرير ولا شافوا القناصه لسه محتاجين دليل عليهم -- وكمان ماعرفوش عمليات القتل اللى تمت يمين وشمال
واللى تم فى المعتقلات ومااخجل ماشاهدناه من اعترافات فتاه من عمليات كشف العزريه لهن
ماعرفوش الحوارات اللى بتم الان لعمل شكل للمصالحه مع الفاسدين ويرموا ملاليم وماتحاسبوش
ماشفوش ان اثناء المحاكمات لايروا المتهم بسبب كردون الظباط والشرطه
ماعرفوش ان اللجنه اللى راحت السجون لم ترى الفاسدين بحجة الحفاظ على مشاعرهم لدرجة ان بعض الجرايد الخارجيه قالت انهم خارج السجون
طيب شيفين قيادات الداخليه ورؤساء الشركات والهيئات الكبيره اللى عرف عنهم الفساد والانتماء للحزب الزفت ومرتباتهم المليونيه ولم يمسوا ويادوب تغير اماكن -- بالروح والدم نفديك يافساد
لما تلاقى رئيس الوزراء ووزير الماليه داير يشحت علينا ونحس ان كرامتنا ضاعت بعد مارجعناها
لما كل يوم يسمعوك الفزاعه الجديده وهى انهيار الاقتصاد المصرى ويطلع علينا علماء الاقتصاد ينكروا ذلك-- طيب ازاى واحنا ايام الفساد والسرقه ماكنش سقوط للاقتصاد ولما حنفية السرقه تتقفل ويضخ اموال بطرق اخرى نقول انهيار هى الايه اتقلبت -- ايه يابلد ماتفوقوا
لما تشوف مشكلة السولار ومشكلة الفتنه الطائفيه ولما تشوف تحالف الاخوان والحكومه والمجلس العسكرى
لما تشوف وفد سويسرا وتصريحات كلينتون بثروات مبارك دا غير اعلان فرنسا عن العمارات وغير اللى فى الدول الاوروبيه او الخليج لانهم اصحابوا كما عرفنا وشاهدنا مواقفهم
لما تشوف سوزان مبارك ترمى 24 مليون وتسكتهم
الغريبه انهم مش عايزين يفهموا ان المصرين خلاص مش هايرجعوا تانى ميتين
ولاهايصنعوا الهه من الحكام والا الفنانين ولالعيبة الكوره خلاص المخدر مفعوله انتهى
لسه كتير قوى
مششششششششششششش قادره اكمل سامحونى
أمل حسن
0 التعليقات:
إرسال تعليق