المرأه فى مصر

الوضع العام للمراه فى مصر حاجه تموت من الضحك لاتموت من الغيظ لا لا تموت من اى حاجه
الجماعات الدينيه بينادوا باقامة دوله دينيه فاهمين انتوا طبعا وضع المراه هايكون ايه بعد كدا
واخدين بالكم يابنات ايه اللى هايحصل
طبعا فاهمين احسن لكم تاخدوها من قصيرها وترجعوا لزمن وأد البنات
ماهى عيشه سودا والسلام هو انتوا لكوا لازمه فى الحياه
لا لاقين تتجوزوا ولاعارفين تشتغلوا
عموما انا لاقيت حل عملى كويس لا لا مش هاقول لجوء ولاكلام من دا هو احنا برده وش الافكار دى
استنوا بس هاقولكوا ---اتنكروا فى اى شكل تحبيه ونعمل حفلات تنكريه جنان فى الشوارع
يعنى واحده تعمل بقره وواحده تعمل معزة بس الخوف برده يطلع عليكوا قطيع حيوانات مفترسه ونخش فى قصة التحرش والكلام الملزأ دا

انتو فى مشكله فى مشكله وراكوا وراكوا طول مانتوا فى مصر
لامشاركه فى الدستور والغاء كوتة المراه ولسه هاتشوفوا ايام سودا
استعدوا لثورة ومليونيه للمطالبه بس استعدوا لمعركه جمال السلفين والاخوان وباقى الجماعات الدينيه -- وخناقة حريمى وشد شعر للركب بس ابقوا البسوا بنطولانات عشان المتفرجين هايكونوا كتير من الجماهير والمصورين هايشوفوا لاول مره شواطىء العراه فى شوارع مصر -- ولا اقولكم هاتبقوا عاملين زى بتوع مستشفى المجانين وانتوا فى المظاهرات يعنى شعركوا منكوش وهدموكوا هاتتقطع والدم للركب ولا اه الصويت والشرشحه
بس بصراحه الحريه تستاهل

او فيه حل تانى بس خبيث شويه لكن حل هايغزلهم هم بيحبوا النوع دا من الحلول لا لا مش هاقول البسى نقاب وكدا لان دا حريه شخصيه لكن هاقولك سمى نفسك عبير او كاميليا بزمتك مش حل تحفه

يالا خلى الجماعات الدينيه يفرحوا هم هايفضلى طول عمرهم زعلانين ومقهوين ومسجونين --
بس ربنا اكبر منكم كلكم وزى ماخسف السابقين ان شاء الله انتوا اللاحقين