حوا ولماذا ... لا تقرأ هذة المقالة

ليه اهتمامي بالست حوا ؟؟

الست دي امي وامهات كل حوا يعني دي ( تيتة الحاجة  ) الكبيرة التي نكن لها كل التقديروالاحترام اما الست حوا العصرية هي موضع اهتمامنا لانها يا ضنايا متبهدلة احلي بهدلة   ولا يوجد احد يسندها  بالعكس الجميع بيهد فيها وهي اما صامتة وحمالة الاسية او مرة واحدة تنفجر وتصرخ وتلم الدنيا عليها وتقول الست الجننت لان حوا عليها مسؤليات كثيرة  ومنها : 

• داخل البيت :   من تربية الابناء و متابعة تعليمهم و تلبية احتياجتهم واعداد الطعام  ومتابعة تنظيف البيت و ترتيب امورهم وحل مشاكلهم وتأهيلهم نفسيا وذاتيا  
•   خارج البيت : متابعة الامور الرياضية  وتوصيل الدروس الخصوصية لاولادها وشراء مستلزماتهم وزيارة الاماكن الترفيهية وزيارة الاصدقاء والاقارب وتكوين صدقات مع الزملاء واهل الابناء والذهاب الي السوق لشراء الخضروات واحتياجات المنزل 
•  شغلها :  دا  لوحده هم كبير من مديريها او مديرتها و زمايلها وتفتيش ومتابعات وغيره من هموم العمل
• النت : جروبات الفيس اللي  اكل  وقتها ومخرب حياتها  وعندها مليون مشكلة بسببه في البيت 
• الزوج و اهله : ( حماتي يا نينه دلوعه عليا ) واخت جوزها واهله وطلبات زوجها المستمرة ومزاجه ومجاملاته وخاصة انتخته المتواصله

كل ده والاعلام يقول لك التحديات التي تواجه المرأة وعدم تمكينها سياسيا واقتصاديا .. ايوا اقتصاديا دي كارثة لوحدها --الفقر المذكر انثوه يعني تأثير الفقر ولصق بها بمعني تشتغل بمرتب اقل  والزوج يخطف المرتب  والاولاد مش بيرحموا حد ويقولك تمكين المرأة اقتصاديا !!!

ونرجع لعمنا  التمكين السياسي : لما بسمع الجملة دي نفسي اقول كلمة !!!! ولكن انا مؤديبة :) ( علي راي اللمبي )

بترمي واحدة في دوامة لما لا نهاية ونقولها ورينا هاتركبي الموجة ازاي

وما هو الحل ؟؟

الحل اننا فكرنا نساعدها ازاي ؟؟ هل نتكلم في الميكاج اللى اصلا بتنسى  من اساسه وتحطه وهي خارجه بتجرى دا اذا افتكرته اصلا ولا هنتكلم عن الطبخ اللي قنواته كانها ماسورة وانفجرت في التلفزيون وبردوا الست ماما ما زالت بتطبخ صنية البطاطس والاكل اياه  ولا نتكلم في حياتنا الزوجية ولكن البيوت اكل ده بلا قيمة اية فايدة العين لو العقل اعمي  ؟؟

وكان الحل النميس الي نط وفط وطلع جري علي الورق هو العلم لانه حلال العقد ولكن علم ايه !! ناقصين كلكعة واي علم ده الي هيلم حياتها بالكامل  !! دي محتاجة سمكري تعليم - وعجلاتي شغل - وطبيب ادارة - وسباك نفسية - ولحام اسري ووووهلوما جرة ...  ايوا العلم خلق لنستفيد به ولديه ادوات وطرق تجعل حياة حوا افضل واسهل  وكلها ممتعة و مريحة ...

تابعي معانا يا حوا واكتشفي الحل السريع المضمون  !!!